Sunday, May 6, 2018

కానీ నేను ఆగిపోవడం లేదు

గుండె లోతుల్లో,
ఒక శూన్యం

ఆ శూన్యం అలా మిగిలిపోయినా
నేను స్థిమిత పడలేను
ఆ శూన్యాన్ని ఆక్రమించుకోవడంలో ఏవేవో పోటీ పడుతున్నా...
నేను స్థిమిత పడలేను

పదాలను పేర్చి
ఇది అని నా పరిస్థితి అని పరిచయం చేయాలనుకుంటాను
కానీ..
పెదాలు కలిపినా మాటలు రావు

మౌనం గా మిగిలిపోతే
ఎవరికీ చెప్పుకోలేను
ప్రయత్నం చేస్తూ పోతే
చేతకాని వాడినైపోతున్నాను

అరిచి చెప్పినా
ఆలకించడానికి ఎవరున్నారనుకునే ఈ శూన్యంలో
నా శూన్యం గురించి నివేదించాలనుకోవడం
ఎంత గొప్ప ప్రయత్నమో?
తెలియడం లేదు

కానీ నేను ఆగిపోవడం లేదు 

ప్రశ్నలు
సఙ్గదిగ్దత
సమాధాన ప్రచుకోవటం
మళ్ళీ ప్రయత్నం చెయ్యడం
ఇదే ఆవృతి లో తిరుగుతున్నాను
ఎప్పటినుంచో !

వినేవారెవరో
విడుదల ఎపుడో, తెలియక పోయినా
రేపటి రోజు అనుకున్నది జరుగుతుందని
నేను ఆగిపోవడం లేదు

1 comment: