Saturday, February 10, 2018

కలయా! నిజమా!

తెరచిన నీ ఆలోచనలో
కనులు మూసుకున్నాను

ముగియని నీ ఆలాపనలో
కలనై కరిగి పోతున్నాను

నిజానికన్నా కలలో
నీ దగ్గరగా ఉంటున్నాను
నిజమో కలో తెలియక
నీ తపసే చేస్తున్నాను

ఒక రూపం
ఒక భాష
ఒక అర్ధం
ఒక వివరణ
ఇవ్వాలంటే నా 'కలకి'
నీవు తప్ప వేరే లేదు

ప్రతి క్షణం
ప్రతి రోజు
ప్రతి సారి
పదే పదే 
చెప్పాలంటే 'నిజానికి'
నిను తప్పే దారి లేదు

ఆరాటం!
నువ్వే దారిలో కలుస్తావని 
పడి, పడీ, ఎంత ఎదురుపడతానో
ఓ సారైనా నీ కంట పడతానని! 

ఎక్కడో అనుమానం
నువ్వూ చూస్తున్నావని.
అదే మరింత ఆశ,
వెంట పడాలని.

మనసుకు తెలియదు
ఏది కలో ఏది నిజమో
దానికి తెలిసిందొకటే
నిన్ను మననం చేసుకోవడం

నయనానికి, హృదయానికి
వెలుగొక్కటే ..
నిను కలిసే సమయానికై పయనం 
అలాగే అస్థిత్వాన్ని కోల్పోవడం

No comments: