Tuesday, May 22, 2018

నువ్వు నేను ప్రేమ చాలుగా - Song Lyrics from THE END Telugu movie

నువ్వు నేను ప్రేమ చాలుగా
నీతో నేను ఉంటా తోడుగా

తేనె ముల్లు గుచక్కే లోన
వాలు కళ్ళ జానా

పూల జల్లు కురిసే లాగా
నవ్వు నిచ్చి వెళ్ళావా
నీ చిన్ని గుండెనియ్యవా

నువ్వు నేను ప్రేమ చాలుగా
నీతో నేను ఉంటా తోడుగా

వీణ లాగ మొగెనె మైనా, మీన కనుల మంత్రమా
వాన ధారా తాకేనే లోన, వంక చూడు చంద్రమా

నువ్వు నేను ప్రేమ చాలుగా
నీతో నేను ఉంటా తోడుగా

మనసు పాడుతుంద .. నిన్ను చూడ కుండ
పరుగు ఆగుతుంద.. నిన్ను చేర కుండ
తలపు తరుముతుంద కన్ను మూయకుండ
తెలిసి తప్పుకుంద జాబిలేమో చూసి

నీకోసమే నా ప్రాణమే, నీ ధ్యాసలో నా లోకం
నీ ఊహలో నీ ఊసులో నే కరిగిపోనా

నువ్వు నేను ప్రేమ చాలుగా
నీతో నేను ఉంటా తోడుగా

చంద్రమా...

అలక తీరుతుంద పలకరించకుండ
కునుకు చేరుతుందా జోల పాడకుండ
చినుకు రాలుతుంద నింగి కదలకుండ
పెదవి వణుకుతుంద నువ్వు తాకకుండ

ఏమైనదో నీ మాయలో, నీ ప్రేమలో ఆనందం
నీ ఆశలే నా శ్వాసగా, నేనుండి పోనా

నువ్వు నేను ప్రేమ చాలుగా
నీతో నేను ఉంటా తోడుగా 

Monday, May 14, 2018

తోడు

గాయకుడు ఎంత గొప్పవాడైనా
అతని గాత్రం రాణించాలంటే
ఒక గొప్ప స్వర కర్త తోడై ఉండాలి

అలానే మనలో ఎంత ఆధ్యాత్మిక తృష్ణ ఉన్నా
అది వికసించి పరిమళాలు వేదం జల్లాలంటే
ఒక గొప్ప సద్గురు తోడు కావాలి

Thursday, May 10, 2018

Acceptance

It is best to accept

what we know as we know
what we do not know as do not know

It's okay
It's okay
It's okay


Wednesday, May 9, 2018

Let them go

It is best to let many things go,
instead sticking to them and struggle.

Sunday, May 6, 2018

కానీ నేను ఆగిపోవడం లేదు

గుండె లోతుల్లో,
ఒక శూన్యం

ఆ శూన్యం అలా మిగిలిపోయినా
నేను స్థిమిత పడలేను
ఆ శూన్యాన్ని ఆక్రమించుకోవడంలో ఏవేవో పోటీ పడుతున్నా...
నేను స్థిమిత పడలేను

పదాలను పేర్చి
ఇది అని నా పరిస్థితి అని పరిచయం చేయాలనుకుంటాను
కానీ..
పెదాలు కలిపినా మాటలు రావు

మౌనం గా మిగిలిపోతే
ఎవరికీ చెప్పుకోలేను
ప్రయత్నం చేస్తూ పోతే
చేతకాని వాడినైపోతున్నాను

అరిచి చెప్పినా
ఆలకించడానికి ఎవరున్నారనుకునే ఈ శూన్యంలో
నా శూన్యం గురించి నివేదించాలనుకోవడం
ఎంత గొప్ప ప్రయత్నమో?
తెలియడం లేదు

కానీ నేను ఆగిపోవడం లేదు 

ప్రశ్నలు
సఙ్గదిగ్దత
సమాధాన ప్రచుకోవటం
మళ్ళీ ప్రయత్నం చెయ్యడం
ఇదే ఆవృతి లో తిరుగుతున్నాను
ఎప్పటినుంచో !

వినేవారెవరో
విడుదల ఎపుడో, తెలియక పోయినా
రేపటి రోజు అనుకున్నది జరుగుతుందని
నేను ఆగిపోవడం లేదు

Tuesday, April 24, 2018

Relationships

I just can't make them easily
         Can't break them easily
         Can't escape
         Neither live in balance

But without them, what am I?
With them what I am becoming?

I hope they are just relationships
and not attachments

I hope they are made for a purpose
and not for just needs

Indeed there must be
a way
Indeed there must be
a release

Thursday, April 12, 2018

ప్రదర్శనకు కాదు

శక్తి ఉన్నది పని చెయ్యడానికి...
పని జరగడానికి..

ప్రదర్శనకు కాదు 

Monday, April 2, 2018

సరిగ్గా ఆలోచిస్తే...



ఓ కునుకు ఓదార్చి..
నిద్ర పుచ్చేలోగా 

ఒక రేయి చీకటిని దాటి..
వెలుగు కౌగిలింతలో ఒదిగేలోగా

ఒక రెప్ప పాటు..
చప్పుడు చేసే లోగా

ఓ మరణం
ఓ పుట్టుక
ఒకదానినొకటి లంకెలేసుకున్నాయి

జనించిన ప్రతిసారీ..
మరింత ఉత్సాహంగా,
ఉత్సవంగా బ్రతికే అవకాశాన్నిస్తున్నాయి

Monday, March 19, 2018

వెధవ జీవితం

జీవితానికో అర్ధం లేకుండా పోయింది..

నచ్చింది చేసుకుంటూ పోవడం..
దానికేదో reasoning ఇచ్చుకోవడం...

అందుకే "వెధవ జీవితం" అనే పదం పుట్టింది అనుకుంటా !

Saturday, February 10, 2018

కలయా! నిజమా!

తెరచిన నీ ఆలోచనలో
కనులు మూసుకున్నాను

ముగియని నీ ఆలాపనలో
కలనై కరిగి పోతున్నాను

నిజానికన్నా కలలో
నీ దగ్గరగా ఉంటున్నాను
నిజమో కలో తెలియక
నీ తపసే చేస్తున్నాను

ఒక రూపం
ఒక భాష
ఒక అర్ధం
ఒక వివరణ
ఇవ్వాలంటే నా 'కలకి'
నీవు తప్ప వేరే లేదు

ప్రతి క్షణం
ప్రతి రోజు
ప్రతి సారి
పదే పదే 
చెప్పాలంటే 'నిజానికి'
నిను తప్పే దారి లేదు

ఆరాటం!
నువ్వే దారిలో కలుస్తావని 
పడి, పడీ, ఎంత ఎదురుపడతానో
ఓ సారైనా నీ కంట పడతానని! 

ఎక్కడో అనుమానం
నువ్వూ చూస్తున్నావని.
అదే మరింత ఆశ,
వెంట పడాలని.

మనసుకు తెలియదు
ఏది కలో ఏది నిజమో
దానికి తెలిసిందొకటే
నిన్ను మననం చేసుకోవడం

నయనానికి, హృదయానికి
వెలుగొక్కటే ..
నిను కలిసే సమయానికై పయనం 
అలాగే అస్థిత్వాన్ని కోల్పోవడం

Tuesday, January 23, 2018

పరిష్కారం

సమస్యను గుర్తిస్తే మరో సమస్య

సమస్యని సమస్యగా గుర్తించక పోవడం కూడా
ఒక సమస్యే...

ఒక్కోసారి తెలీనట్టు ఊరుకోవడమే
పరిష్కారం అనుకుంటా!!!


Monday, January 15, 2018

నువ్వే, నీతోనే



నీ గురించి చెప్పాలనుకున్నా
నువ్వే ఉంటావు

నా గురించి చెప్పాలనుకున్నా
నువ్వే ఉంటావు

ఇంకా 
నేనేం మాట్లాడను?

నాకు పదాలు అంటే మన మాటలే
సమయం అంటే మనం కలిసున్నదే
జీవితం అంటే నీతో గడిపిందే
మిగతాదంతా ఊరికే... వట్టి అబద్ధం !

ఎప్పుడు చూసినా,
నాలా లేనంటూ, ఇదివరకటిలా లేనంటూ
అందరూ చెప్పే మాటలు
నవ్వు తెప్పిస్తున్నాయి

ఎలా చెప్పాలో తెలీడం లేదు
నా నుంచి ఎదురు చూడడానికి వాళ్లకి ... ఏమీ మిగల లేదని!

నువ్వేనా విప్లవం
నువ్వేనా విడుదల
నువ్వేనా సత్యం
నువ్వేనా ఆఖరి మజిలీ

వాళ్లకి ఎలా చెప్పాలో తెలీడం లేదు
నేను అనే వాడిని నాకైనా లేనని

నీతోనే సంగతి
నీతోనే సంతోషం
నీతోనే పంతం
నీతోనే విరమణ
నీతోనే ప్రయత్నం
నీతోనే నిష్క్రమణ

నువ్వే,
నీతోనే