Thursday, August 31, 2017

నేను బతికే ఉన్నాను..!

పెద్దగా మార్పు లేదు ఆలోచనలో
పెను మార్పులేవీ లేవు జీవితంలో

తింటున్నాను
నిద్రపోతున్నాను
అనాలోచితం గా ... అస్పష్టంగా అలా కదిలిపోతున్నాను రోజూ..

చాలా వాటికి ఎందుకు అని ప్రశ్నించటం మానేసాను
ఎన్నిటికో చలించడం మానేసాను
సూర్య చంద్రులు వచ్చిపోతున్నారు, చుట్టుపక్కల కొంత మంది రాలిపోతున్నారు
నేను మాత్రం ఇలా.. అదోలా ఉండిపోతున్నాను ...

నాది నిరాశ కాదు..
నాది నిర్లిప్త ధోరణి కాదు..
ఎదో ఒక శూన్యం ఆవహించింది అంతే..

నాకు కోపం వస్తోంది
నాకు కన్నీరు వస్తోంది
నేను నవ్వుతున్నాను కూడా..
నిజంగా

నేను బతికే ఉన్నాను
కానీ ఎందుకో తెలీడం లేదు..
అదే ప్రతి రాతిరి సమస్య

నేను బతికే ఉన్నాను
ఎందుకంటే నేను వెదకటం ఇంకా ఆపలేదు
అదే ప్రతి వేకువ ఆశ