Sunday, March 5, 2017

మళ్ళీ .. ఇక్కడే ముగుస్తుంది

ఒక సందర్భం ఎదురవుతుంది
ఒక క్షణం వస్తుంది
ఒక్క సారి అయినా అనిపిస్తుంది

ఏంజరుగుతోంది అని.. తెలీక
ఎవరూ నీలో ఖాళీని ని పూరించక
ఒంటరిగా మిగిలే ఆ సమయం
ఖచ్చితంగా వచ్చి తీరుతుంది 

ఎవరితోనైనా...
చెప్పుకున్న మాటలు సరిపోవు
ఏఊరు తిరిగినా..
తెగిన చెప్పులు తప్ప ఏమీ మిగలవు
ఎంత చేసినా..
పెరిగే బరువుకు, బారులు తీరిన ఏదురుచూపులకు, సమాధానాలు దొరకవు

అప్పుడు సరిగ్గా అప్పుడే
ఆశలకు అనుమానాలు పుడతాయి
అలసట కూడా అలిసిపోతుంది
ఆవేశం కన్నీళ్లు గా బయటకు పొర్లుతుంది
ఓరిమీ తన ఓటమి ఒప్పేసుకుంటుంది   
ఒక పెద్ద యుద్ధం ముగిసి..
నిశ్శబ్దమే నిలుస్తుంది అంతటా

సాక్షిగా, కొంత కాలం జీవితం గడిపేస్తావు
కానీ ఎక్కడో .. ఎప్పుడో ..

ఒక సందర్భం ఎదురవుతుంది
ఒక క్షణం వస్తుంది
ఒక్క సారి అయినా అనిపిస్తుంది

ఏంజరుగుతోంది అని.. తెలీక
ఎవరు నీలో ఖాళీని ని పూరిస్తారో తెలీక 
ఒంటరితనం నుంచీ తప్పించుకోవాలనుకునే. ఆ సమయం
ఖచ్చితంగా వచ్చి తీరుతుంది

ప్రతి కధ ఇక్కడే మొదలవుతుంది
ఇక్కడే ముగుస్తుంది
మళ్ళీ

2 comments:

Anonymous said...

Adbhutam ayyagaarandi.
chaala rojula tarvata blog choostunna and i loved this Ravika, sorry Tavika.. ayyo.. ade KAVITA... sooper

itlu,
Hari Prasad Miryala

శివ చెరువు said...

Thanks Hari Garu :) I have not penned anything over couple of months and your comment has reminded me "What I have to do".