Sunday, January 8, 2017

నువ్వు నేను అనే కలయిక, నాకో వేడుక


గట్టిగా అరిచి చెప్పాలనేంతగా
ఎప్పటికి వదిలి పోలేనంతగా
నువ్వు నేను అనే కలయిక
నాకో వేడుక

తెలీదు మౌనం గొంతుక ఇంత పెద్దదని
తెలీదు తెలుగు ఇంత బాగుంటుందని
తెలీదు రెప్ప పాటుకు ఇంత సమయం పడుతుందని
ఈ క్షణం వచ్చేదాకా

చాలా బాగుందని చెపితే చిన్నబుచ్చినట్టుంటుంది
చెప్పలేనంతగా ఉందంటే సరిపుచ్చి నట్లుంటుంది
రెండూ ఒప్పుకోలేను
ఏదీ సరిగా చెప్పలేను
ఇది జీవించడం తప్ప

ఒక్కటే దారి, నీతోనే
ఒకటే దరి, నువ్వే
ఇంతే
ఇంతకు మించి మరి లేదు
ఇంతకు మించింది లేదు 

No comments: