Tuesday, December 13, 2016

తాపత్రయం



తాపత్రయం,
ఏదో చెప్పాలని
కానీ నాకేం తెలుసని చెప్పడానికి ... శూన్యం

తాపత్రయం,
ఏదో చెప్పాలని
కానీ ఎవరున్నారిక్కడ వినడానికి.. నిర్మానుష్యం

'ఊరికేదో' చెపుదామని ఉంటుంది
'ఊరికే' ఏదో చెప్పడం ఎందుకని ఆగిపోతాను

ఊహలు, ఉద్దేశాలేమైనా చెపుదామని ఉంటుంది
ఊహలు నిజాలు కావు
ఉద్దేశాలు నిలబడవు
మళ్ళీ ఆగిపోతాను

ఏమీ లేకపోతే, లేదని
ఉంటే ఉందని
ఏదో ఒక మాట పంచుకుందామనుకుంటాను
కానీ ఏదో అభద్రతా భావం .. మళ్ళీ ఆగిపోతాను
అదికూడా చెప్పలేను ఎవ్వరికీ .. హాస్యాస్పదం

బహుశా..
ఇక్కడ చెప్పడానికి ఏమీ లేక కాదు (Content)
చెప్పుకోవడానికి లేక ఆగిపోతాను కాబోలు (Situation)

బహుశా..
ఇక్కడ వినే వాళ్ళు లేక కాదు (availability)
ఎలా చెప్పుకోవాలో తెలీక ఆగిపోతాను కాబోలు (Expression)

ఇక్కడకి,
నేను ఆగిపోతాను (Action)
కానీ తాపత్రయం కాదు (Thought)

అదే సమస్య
అదే పరిష్కారం


No comments: