Sunday, September 18, 2016

ఆ సైనికుడెవరు ???

పుట్టడానికి 
తొమ్మిది నెలల యుద్ధం 

సాగే చదువుతో 
అంతంత మాత్రం ఆడే డబ్బుతో 
పోటీ తో 
ప్రత్యేకతలతో 
విధ్యార్థిగా యుద్ధం 

భాషతో 
ప్రాంతం తో 
రంగుతో 
వేరు చేసే ప్రతి గుర్తింపుతో 
పని కోసం ఆపని యుద్ధం 


కదలని ఆదాయానికి 
ఆగని ఖర్చుకు 
మారే పరిస్థితులకి 
కధలు చెప్పి నిద్రపుచ్చి  
మనుగడ కోసం యుద్ధం 

విద్యాలయాలలో కరువులు 
వైద్యారణ్యాలలో బలులు 
ప్రయాణాలలో లయమయే బరువులు 
దించుకునేందుకు యుద్ధం  

చూసే ప్రతిదీ 
కలిసే ప్రతి ఒక్కరూ 
ప్రత్యర్ధే అవుతుంటే 


ఏమి కావాలో వద్దో 
అసలెందుకో తెలియని 
తికమక తో 
అన్నిటికంటే పెద్ద యుద్ధం, తనతో .. చేస్తూ 
ఎంత అలిసిపోనీ 
ఆశకు చమురు పొసే ఆ సైనికుడు 
ఎవరు?

No comments: