Wednesday, December 31, 2014

మనిషి.. చాలా చిత్రమైన పదం

మనిషి..
చాలా చిత్రమైన పదం

తవ్వుకున్న గోతిలోంచి తలెత్తి
తరచి తరచి ఆకాశాన్ని చూసే ఒక ఆరాటపు ప్రాణి

ఓపికగా అల్లుకున్న వలలో చిక్కి
తన ఉచ్చు తానే బిగించుకునే అసహాయ శీలి

కొంత నమ్మకాలను సొంత నిర్ణయాలను 
అవలీలగా ఆత్మ కధలుగా రాసుకునే అమాయక చక్రవర్తి 

అంతంత మాత్రం బతుకుకి
ఆద్యంతం ఏదో రంగులేసుకుంటూ మురిసిపోయే మాలి 

వీలైన సిద్ధాంతం రుద్దుకు పోతూ
లేకుంటే సర్దుకు పోతూ
పోయే పేరు లేని ప్రయాణానికి అసమాన మైలురాయి

మనిషి..
చాలా చిత్రమైన రధం