Sunday, January 6, 2013

సృష్టి కర్త..

అంతటా ఉన్నాడు..
అన్నీతానై ఉన్నాడు..

ఉదయాన సూర్యుని చూసినపుడు...
సాయంత్రం చీకటిలో కలిసినప్పుడు
రాతిరి చంద్రుడు వెన్నెలను కురిసినపుడు
నిదురించిన నేను తిరిగి పగలు చూసినపుడు 
ఊపిరి తీసి ఊపిరి విడిచిపెట్టినపుడు

అంతటా ఉన్నాడు..
అన్నీ తానై ఉన్నాడు..

తల్లిగా బిడ్డను పొదివి పట్టుకున్నపుడు
తండ్రిగా తప్పును సరి జేస్తూ కన్నెర్ర జేసినపుడు
బిడ్డడిగా నను బతిమాలుకున్నపుడు
భార్యవై నాలో భాగమైనపుడు
గురువై దారి చూపినపుడు 
ఆప్త బందువై దర్సనమిచ్చినపుడు 

అంతటా ఉన్నాడు..
అన్నీ తానై ఉన్నాడు..


ఆనందంలో..
ఆర్తిలో..
కన్నీటి ధారగా..

ఆహార్యంలో
వ్యక్త అవ్యక్త భావనలో
అంతరాత్మ ప్రతినిధిగా

చేసే పనిలో
చూసే ప్రతి దృశ్యంలో
మననమై మనసులో
అను కదలికలో 
లో..లో.


అనంతమై..
నిత్యమై..
సత్యమై..

అంతటా ఉన్నాడు..
అన్నీ తానై ఉన్నాడు..

No comments: