సమాధానం లేని ప్రశ్నలు..

ఏదేదో ఏదో ఏదో ..
ఏమని ఆమెని
వర్ణించ వర్ణము లేదు ..
వెల్లువల ఆమని ..

సమయానికి సమయం తెలియదే
ధ్యాసకింక విడుదలే లేదులే
ఇదెలా..?

ఒక్క చూపు చంపేస్తోంది
ఒక్క మాట బ్రతికిస్తోంది..
ఒక్కో క్షణమెలా జీవితమైనదో..?

హృదయపు కదలని కదలిక
బడలిక ఎరుగని పరుగులు మొదలిక..
ఆగిపోయిన కాలంలో అడుగుల మొదలు ఎలాగో?

నాకు నేను లేనని తెలిసి
ఆమె, నేను లేమని తెలిసి
ఉన్న మేమెలా .. మనం అని.. ఎలా ? తెలుసుకున్నామో ..?



*picture credit goes to original photographer and source. It will be removed in case of any objections.