ఒక మౌనం.. ఒక మాట.. ఒక భావన.. ఒక యుద్ధం..

నిశ్శబ్దం పరుచుకు పోయింది..
ఒక శవం పుట్టినట్టు..
లోపల చలనం లేనట్టు..
ఒక లోకం చలించనట్టు..
ఒక రాత్రిని ఒక రాతిరి కమ్మేసినట్టు..

శబ్దం ఓపిక పోసుకుంటోంది..
ఒక అణచివేతను అడ్డుకున్నట్టు..
లోతున అలజడి రేగినట్టు..
ఒక లోయన రాయిని విసిరినట్టు..
ఒక కదలికను కదిలించినట్టు..

ఎలాగో అంతర్గతం బయటపడుతోంది..
ఒక యుద్ధం ఆగి ఆగి జరుగుతున్నట్టు..
సూర్య చంద్రులు వచ్చి వెడుతున్నట్టు..
ఒక దూరం దూరమవుతున్నట్టు..
ఒక సగంతో ఒక సగం సరిపడుతున్నట్టు ..

ఒక మౌనం..
ఒక మాట..
ఒక భావన..



*picture credit goes to original photographer and source. It will be removed in case of any objections.