నీతో ఉన్నప్పుడు..

నీవేలే..
చెప్పని ఒక మాటైనా..

తలపుల తపనల గడి ..తడుతున్నా..
నీవేలే..

నీవేలే..
చప్పున చిర్నవ్వు దాచుకున్నా..

నన్ను దాటే నేను
నీవేలే..

నీవల్లే..
నీవల్లే...

తూరుపు నుండి ఓ గీతం పెదవి కదిపింది..
గతం చెరిగిపోయింది..
పూర్తిగా కాలం చనిపోయింది..
ఆశ్చర్యంగా.. నాలోని నిను చూస్తూ.. చూస్తూ..

ఆకాశం తల దించుకుంది..
వెన్నెలా చిన్నబోయింది..
వేకువా ఆగిపోయింది..
... మన కలయికను స్పృశిస్తూ...

ఆగిఉన్నా నాలో పరుగులు ఆగవు ..
ఊపిరికి తన ఉనికిని వెదకక తప్పదు..
కన్నులకు జాగరణ కాక దారి లేదు....
నన్ను కోల్పోతున్నానని తెలిసినా...
నేనేమి చేయగలను ..? ఇక
నీతో ఉన్నప్పుడు..

నీవైపోవడం తప్ప..!



*picture credit goes to original photographer and source. It will be removed in case of any objections.