Monday, July 25, 2011

ఎవరి వ్యతిరేకత అది?



ఆకాశం పగిలి నెత్తిమీద పడుతున్నట్టు ఉంటుందా?
ఏకాంతంలో ఎవరి పాట వారికి కూడా వినపడనట్టు గా ఉంటుందా?
కలిసే యత్నంలో కెరటం కసిగా తోసేసినట్టు ఉంటుందా?
ఆకాశంలో సూరీడు తన శక్తిని అంతటినీ బరువుగా బుజాలపై వదిలేసినట్టు ఉంటుందా?
నిప్పు కణికలు వడగళ్ళు అయి వర్షిస్తున్నట్టు ఉంటుందా?
నిశి అన్ని రంగులని తొక్కిపెట్టినట్టు ఉంటుందా?
నీడలు కూడా దొరకని మనిషి రూపమల్లె ఉంటుందా?
అంతరంగాన అఘాదం ఊడలై వేళ్ళూనుకుపోయినట్టు ఉంటుందా?
అంతః చక్షువులు పొడుచుకున్నట్టు ఉంటుందా?

ఎంత భయంకరంగా ఉంటుంది ?
వ్యతిరేకత?

ఎవరి వ్యతిరేకత అది?
ఎవరి పై వారి వారిదై ఉంటుంది..
అందుకే అది అంత ప్రమాదమైనది
అంతగా భయానకమైనది
అంత భరించరానిది..

No comments: