Thursday, July 28, 2011

ఒక అర్ధం లేని ప్రశ్న ...



కలలకు మెలకువా?
కన్నులకు తీరని ఆకలా?
ఊహలకు వీధి దీపమా?
నిను దాటిన ఆలోచనలకు సంకెలా?
నీ వెనుక నా పరుగులకు వేగమా?
ఏది వీటిలో నీ చూపుకు అర్ధం?

నిదుర చెడినా నీవే..
గాలిలో రాతల నిండుగ నీవే..
అస్పష్టంగా కదలిపోయే ఆ మేఘాల రూపులో నీవే..
వెనుక చుక్కలూ నీవే..
రాతిరి చలికి వెచ్చదనమై నా అంత దగ్గరగా నీవే..
నేనలవాటు పడిన ఆశ్చర్యానివి నీవే..
ఈ వరుసకు లయ నీవే..

అన్నీ నీవై పోతున్నపుడు...
నా ప్రశ్నకు అర్ధమేముంటుంది ..
అయినా అది ఒక పిచ్చి ప్రశ్నే అవుతుంది...



*picture credit goes to original photographer and source. It will be removed in case of any objections.

No comments: