Wednesday, May 25, 2011

అడగమని నాతో.. అడుగేస్తుంది..




అవునో కాదో ఆశలకి.. ఊపిరి పోసే ఊహ ఇది..
అంతో ఇంతో మాటలకి.. మాటలు మోసే మౌనమిది..
ఆకాశమిలా అప్పటికప్పుడు అందివచ్చిన అనుభవమే ఇది..
ఆనందంలో ఆసాంతమిలా.. మునిగి తేలిన మనసు నది..

ఏమైందో ఏమని చెప్పను?
నాకైనా తెలియని ముప్పును..
నాకే నే గుర్తుకు రాను..
చూశాక ఈ కన్నియను..

మెరుపులను వెలిగించి..
మబ్బులను తడిపేసి..
చీకటికి చలి తెచ్చే..
తరుణమా ఇది?

ఉప్పెనే అయినా అది..
ఉలుకు పలుకే లేదు..
తీరమందాకైనా మరి..
భాష బదులే రాదు..

తెలిసినా ఆ తెలియని తనమే..
తళుకుమనే ఆ తలపే..
నీతో ఉంటే.. అడుగు అడుగు లో..
అడగమని నాతో.. అడుగేస్తుంది..

చెప్పు మరి ..!
ఇప్పుడేమని చెప్పను?

*picture credit goes to original photographer and source. It will be removed in case of any objections.

3 comments:

సత్య said...

congrats shiva graru !

now a day you are writing good structural poetry...

it's really nice...

keep the swing!

శివ చెరువు said...

Thank you So much Satya Gaaru..

chaitanya said...

superb!!