Wednesday, February 2, 2011

నన్నా..? నా ప్రేమనా?

ఎవరిని కాదన్నావు?
నన్నా..? నా ప్రేమనా?

ఇన్నాళ్ళలో..నేనెపుడూ నీకు చేదయినట్టు నాకు గురుతు లేదు..
అయితే.. నీ తిరస్కారం నా ప్రేమకే అయి ఉంటుంది..

మరి నాలో ఇన్ని ఆలోచనలెందుకు..?
నీకు నాకు ఈ దూరమెందుకు..? ప్రేమకు కాకుండా..?

ఉన్నట్టుండి కాలం కూడా ఎంత చెడ్డదయిపోయింది?
నిను కలవని ఆ పాత రోజులకు తీసుకెళ్లదు ..
ఇక మీదట నిన్ను కలవనివ్వదు..
కాసిన్ని క్షణాల కటకటాల వెనుక కట్టి పడేసింది.

ప్రేమను వేరుగా చూడలేక
నీ నుండి వేరు పడలేక
పదే పదే తలచుకుని తడబడుతుంటాను..

నీముందు నిలబడాలన్నా..
తెలీకుండా నాకు నేను దోషిలా కనపడతాను..
అందుకే..అలాగే ఆగిపోతూ వస్తున్నాను..

లోపల ఉన్న ప్రేమ
బయటకు రాగానే...ప్రశ్న అయిపోయింది..
కలలు మాత్రం
మేలుకున్నాక ... ఇంకా కలలు గానే ఉండిపోయాయి..

నా ప్రశ్నలకు మాత్రం మెలకువ ఎప్పుడని
ఎదురు చూస్తూనే వున్నాను..నేను
ఇంకా అవునో.. కాదో.. అని.
సమాధానం తెలిసినా ఇంకా సమాధాన పరచుకోలేక..

అవును
అవతల వైపున నువ్వు వున్నావు కదూ?

6 comments:

  1. chala baga cheparu....bagundi..

    ReplyDelete
  2. mee vaadanaa patima laage mee kavitha koodaa thiyyagaa undi-murthy

    ReplyDelete
  3. mee kavitalanni copy chesukuntanu....give permission..chaala baagunnai..

    ReplyDelete
  4. లోపల ఉన్న ప్రేమ
    బయటకు రాగానే...ప్రశ్న అయిపోయింది..
    కలలు మాత్రం
    మేలుకున్నాక ... ఇంకా కలలు గానే ఉండిపోయాయి..

    బావుందండీ!

    ReplyDelete