Tuesday, January 11, 2011

గాలి కధలు..

ఓ .. సన్నని గాలి తగిలి వెళ్లినపుడల్లా..!
కంటి ముందు ఒక కాగితం
విహంగంలా తన రెక్కలార్చుతోంది ..

దాన్ని అలా చాలా సేపు చూస్తుండి పోయాను.
రెప్పలార్పినట్టు గుర్తుకు లేదు..

ఆకాగితంలో ఏం రాసుందో అని...
నేను చూడడానికి ప్రయత్నం చేయలేదు..
ఆ గాలి ఎక్కడినించీ వస్తోంది అన్నది కూడా..నాకు తెలియదు..
నా ఆలోచనంతా.. ఆ కాగితానికి గాలికి మధ్య ఏం జరుగుతోందనే..

కాసేపు.. ఆ కాగితం నిలకడగా నిలబడాలనుకుంటుంది..
ఉన్నట్టుండి ఎక్కడి నుండో గాలి వస్తోంది..
కాగితంతోపాటు. అక్షరాలనూ తలల కిందులు చేస్తోంది..
ఈ గాలిని ఏమనను..?

ఆ గాలి అల్లరిది.. అంత సేపూ ఆడించి..
ఉన్నట్టుండి వెళ్ళిపోతుంది..
ఈ నిజం తెలిసినా..
ఆ కాగితం ఎవరో ఆత్మీయులు పోయినట్టు.. దిగాలు పడిపోతుంది..
ఇప్పుడీ కాగితాన్ని ఏమనాలి?

వీటికిది మామూలేమో..?
అని మిన్నకుండి పోయాను కాని..
ఆ గాలిని నిలువరించలేను ..
అలాగని ఆ కాగితాన్ని ఓదార్చలేక పోయానూ..
ఇప్పుడు మరి నన్నేమనుకోవాలి.. ?

ఇదే మళ్ళీ మళ్ళీ జరిగింది.
చూస్తుండగానే.. ఆ కాగితం ముక్కలై చెదిరిపోయింది..

ఇప్పుడా కాగితం లేదు..ముక్కలూ లేవు..
అయినా ఆ గాలీ వీస్తూనే వుంది..
ఎందుకో..? తెలియదు..

ఇంత జరిగినా..
నేను మాత్రం చూస్తూనే వున్నాను..
వెళ్ళిపోదామని..! ఇంకా అనిపించడం లేదు..

ఎందుకనే ప్రశ్న నన్ను నేను వేసుకోనూ లేదు
కారణం నాకు తెలుసు..
నాది కేవలం ప్రేక్షక పాత్ర..

4 comments:

satya said...

చిన్న సంధర్బాన్ని, ఇంత నిశిత పరిశీలనతో, ఎక్కువ సేపు వ్రాయడం నిజంగా కష్టమే మీలాంటి వాళ్ళు ఎందులో నైనా భావాలతో పరకాయ ప్రవేశం చేయ గలరు. please keep going.

GREAT

-SATYA

kannaji e said...

nijangaa satya gaaru cheppinattu...bhaavaalu baaga palikinchaaru...greetings!

aditya said...

good one

SRRao said...

మీకు, మీ కుటుంబానికి, బంధు మిత్రులకు మకర సంక్రాంతి శుభాకాంక్షలు

శి. రా. రావు
సంక్రాంతి లక్ష్మి _ శిరాకదంబం