Thursday, December 23, 2010

ఈ ఉత్తరం రాస్తాననుకోలేదు...





ఆశ్చర్యం గా ఉంది.. !
ఏళ్ళయిందా నిన్నుచూసి ?

రోజులు తెలీకుండా వెళ్ళిపోతాయి..చూస్తుండగానే దూరాలకు తీసుకెళ్ళి పోతాయి!

రోజులు మారినా ఇక్కడ ఏమీ మారలేదు..
ఉదయాన్నే నే చదివే వార్తలు... మీ అమ్మ చేసే అదే వంట..
ఏదో రకంగా కాలక్షేపం.. రాత్రి నీ ఆలోచనలతో ఆలస్యం గా నిద్ర పోయే నేను ......


కాని ఒక్క తేడా మాత్రం వుంది..
ఇంతకు
ముందు నువ్వు ఉన్నావు.. ఇప్పుడు ఇక్కడ లేవు..

.
.
.
.

నే మాట్లాడినప్పుడల్లా నీకర్ధమయిందో లేదో.. ?
వచ్చేయమని
చెప్పలేక ఎన్ని సార్లో అడిగాను నిన్ను .. ఎప్పుడొస్తున్నావని... !

గొంతు దాక వచ్చి ఆగిపోయిందనిపిస్తుంది..!
నువ్వూ
చెప్పాలనుకుని ఉంటావని .. చూడాలనిపిస్తోందని..!

నీవెంచుకున్న దారులను గ్రహచారాలకు సర్దిపెట్టావు.. కానీకష్టనష్టాలలో మా భాగస్వామ్యముందని..
మర్చిపోయావా?

నీవేమి సాదించాలనుకుంటున్నావో అది దూరం పాటి విలువ చేయదని..
ఆలోచించలేక పోయావా...?

రమ్మన్నా వెళ్ళిపోయిన రోజులు రావు... నువ్వైనా వస్తే ..
నిన్నటి రోజూ, ఈరోజూ ఒకటి కాకుండా వుంటుంది..

ఇప్పటికైనా ఈ ఉత్తరం రాస్తాననుకోలేదు..

కానీ.. వెళ్ళేలోపు ఓసారి చూద్దామనిపించింది....

............. అందుకే !

3 comments:

Anonymous said...

please watch & subscribe
http://bookofstaterecords.com/
for the greatness of telugu people.

చైతన్య said...

"రమ్మన్నా వెళ్ళిపోయిన రోజులు రావు... నువ్వైనా వస్తే ..
నిన్నటి రోజూ, ఈరోజూ ఒకటి కాకుండా వుంటుంది.."

nice one!

శివ చెరువు said...

thanks chaitanya gaaru..