Wednesday, September 8, 2010

గెలుపు వెనుక




ఎంత కాలం నీకోసం చూసాను?
ఎప్పుడో రేబవలు మరిచిపోయాను..

ఎంత దూరం నీకోసం ప్రయాణం చేసాను?
దిక్కులన్నిటినీ చుట్టి .. చుక్కలు లెక్క పెట్టాను..

ఇంకెంత సిద్దపడ్డానూ నీకోసం?
నావనుకున్నవి వదులుకునే స్థితి దాకా..
నేననుకున్నది మరిచే పరిస్థితి వచ్చాక ..

అయినా..
ఇంత జరిగినా..
ఆశ నిరాశల రూపాంతరాలకు ఒప్పుకోలేదు
ఎదురు చూపుల విధిలో విసిగి పోలేదు..
నీవే వస్తావని నేనాగిపోనూలేదు

రెప్పలారిపోతున్నా..
తెప్పరిల్లిపోతున్నా..
అడుగులు వేస్తూనే వున్నాను..
నీవైపే...

ఆఖరికి ..
నిన్ను చూసేటప్పటికి..
సంబరాలు చెయ్యలేదు
పది పది మందికి పరిచయం చేయలేదు
పదే పదే చెప్పుకోను ఆరాటమూ లేదు

క్షణం కేవలం ..
తడిచేరిన కళ్ళ లోంచి
అలా చూస్తుండి పోయాను..
మనసు నిండి మాటలు కూడా రాక
నిశ్శబ్దంగా నిలుచుండి పోయాను..

2 comments:

  1. మీ కలంలో సిరాకి బదులు మనసుని నింపి రాసినట్టున్నారు...బావుందండీ !

    ReplyDelete
  2. God is GR8......

    Wish U all the best.....

    Bomma Intervel tarvata adiri potadi nuvvu ready e na......

    --------------- Tipper Lorry :)

    ReplyDelete