Saturday, July 10, 2010

ఐ హేట్ లవ్ స్టోరీస్..




ఉదయం 8 కూడా కాలేదు.. ఎండ మండి పోతోంది...ఇప్పటికే బస్సు స్టాప్ లో నుంచుని అరగంట అవుతోంది..ఒక్క బస్సు లేదుకదా .. షేర్ ఆటోలకు కూడా దిక్కు లేదు ఇక్కడ.. పై పెచ్చు .. పనికి వెళ్ళేవాళ్ళు .. పని మీద వెళ్ళేవాళ్ళు.. పని లేని వాళ్ళు.. చాలా మంది ఎదురు చూస్తున్నారు.. కాస్త చెమట.. కాస్త చిరాకు... కలిసి ఆవరించాయి.

రోజు కూడా ఆఫీసుకు ఆలస్యమేనన్న మాట.. "నేను ఎక్కే రైలు ఎప్పుడూ అరగంట లేటు..." లాంటి edited సామెతలేవో గుర్తు చేసుకుని నన్ను నేను సర్ది చెప్పుకుంటున్నాను...

ఆహా... బస్సు వచ్చింది.. రావడం ఆలస్యం.. కండక్టర్ బస్సు లోపలి నిన్చ్చీ అరుస్తున్నాడు.. వెనకాల ఇంకో రెండు బస్సులు కాళీగా వస్తున్నాయమ్మా... అందులో ఎక్కండి...అంటూ..
అయినా ఇందులో ఎక్కుదామన్నా చోటేక్కడుంది.. ఇండియా పాకిస్తాన్ క్రికెట్ మాచ్ చూడ్డానికి వచ్చే వారందరినీ కలిపి.. నలిపి.. బస్సులో కూరినట్టుంది...పరిస్థితి.. దీంట్లో నన్ను ఉచితంగా తీసుకెళ్ళినా నేను రాను.. భీష్మించుకుని కూచున్నాను అంతే..

అలా ఆస్ట్రేలియా .. సౌత్ ఆఫ్రికా మాచ్ బస్సులు కూడా వెళ్ళిపోయాక కూడా ఇక్కడ crowd బానే మిగిలింది.

ఏమిటబ్బా అని ఆలోచిస్తున్న టైం లో ఎవరో నన్నే పిలుస్తున్నట్టనిపించింది...

సార్.. రండి సార్... ఆటో అతను పిలుస్తున్నాడు..

అంత మందిలో అక్కడ అతనికి నన్నే ఎందుకు పిలవాలని పించిందో !!!

ఆశ్చర్యపడడం మానేసి వెంటనే పరుగేట్టుకెళ్ళాను... "మెహిదిపట్నం వెళ్తుందా? "

ఎక్కండి సార్.. అని ముందు ఆల్రెడీ ఆరుగురు.. కూర్చున్న ఫోర్ సీటర్ ఆటోలో నన్ను ఎక్కించ ప్రయత్నం చేసాడు..

అయినా రామ్ గోపాల్ వర్మ సినిమాలో కామెడీ.. షేర్ ఆటోలో కూర్చోడానికి తగినంత చోటు ఆశించకూడదు..

నిజం అనుభవం లో ఉన్న నేను ఆలస్యం చేయకుండా వెంటనే ఆటోలో ఇరుక్కున్నాను..

ఆటో బయలు దేరింది.. గతుకుల రోడ్డు.. మూల (దాదాపు బయటకే ) వేలాడి వున్న నేను గతుకుల దెబ్బకి అబ్బా.. ఆ.. ఆ.. .. అన్నాను.. లోపల కూర్చున్న వాళ్ళు గోల పెడుతున్నారు.. తొందరగా పోనీవయ్యా అని ..

సాఫ్టువేరు రంగం కూలి ఏడుస్తుంటే.. జీతాలు పెంచమన్నాడంవీడిలాంటి వాడెవడో..

"ఊరుకోండి సొంత బండి.. కొంచెం రెండు నిమిషాలు అటో ఇటో.. మిమ్మల్ని నేను జాగ్రత్త గా తీస్కువెల్లిపోతాగా.."
అంటున్నాడు ఆటో కుర్రాడు..

దీనికి సౌలభ్యం .. శ్రమ తెలీకుండా తీసుకెల్తానంటూ పాటలు పాడడం మొదలు పెట్టాడు.. నాకు నేను విక్ర మార్కుడిలా.. అతడు నన్ను మోసుకెళ్ళే భేతాళుడులా కనపడుతుంటే.. క్షణం కళ్ళు నులుముకున్నాను..

అతను ఒక 22 - 23 ఏళ్ళ వయసు ఉన్నవాడు.. ఏంపాటలు కావాలండి..? అని అడిగాడు.. వెనకనించీ ఎవరో ఉత్సాహవంతుడు "రింగా రింగా రింగా..." అంటూ అరిచాడు.. కుర్రాడు అందుకున్నాడు..

ఎంత బాగా పాడాడో..!
పొద్దున్నే తాగే కాఫీ కప్పులో గుప్పెడు ఉప్పేసినట్టు..

వెనుక కూర్చున్నవాడేవడో రెండు వారాలుగా స్నానం చేసినట్టులేదు.. కడుపులో తిప్పేస్తోంది..

చెవులు మూసుకోవాలో.. ముక్కు మూసుకోవాలో..అనే ఆలోచనలో పడ్డా..

ఇంతలో ఆటో జాంమని స్పీడ్ పెంచాడు.. మళ్ళీ వెంటనే ఆటోలోంచి పడిపోకుండా నన్ను నేను కాపాడుకునే ప్రయత్నం లో పడి పోయా..

ఆటో అతనికి ఒకటికి పది సార్లు ఫోన్లు వస్తున్నై..స్టేజి స్టేజి కి దిగే జనాలు పెరిగి పోతున్నారు.. (ఒక్కో స్టేజికి ఒక్కొక్కళ్ళు..) చూస్తే మరెవ్వరినీ ఎక్కించుకోనూ లేదు.. బాబు నేను దిగి వెనక కూర్చుంటానయ్యా అంటే.. "అరె ముందు కావలసినంత పిలేసు వుంది.. ఏన్గులు కూడా సర్పోతాయ్ కూకో నేన్చెపుతా.. " అని లాగించేస్తున్నాడు.. "ఆటోవాడికి ఎక్కేవాడు లోకువని " మరో సామెత జత చేసుకుని .. వొళ్ళు జాగ్రత్త గా పెట్టుకుని కూర్చున్నా..

సరే.. ఆటో ముందుకు వెళ్తోంది..
ఎక్కడో అరకిలోమీటరు దూరంలో మొబైలు ఫోన్ చూస్కుంటూ .. తెల్ల డ్రెస్సు 'కీర్తి రెడ్డి' కనపడింది.. క్షణం నాలో 'పవన్ కళ్యాణ్' నిద్రలేచాడు..'తొలిప్రేమ' మొదలైంది..

నా మనసే సే సే.....సే సే.....సే సే.....

అమ్మాయి చూపులు ఆటో వైపే ఉన్నాయ్.. తను కూడా తొలి చూపులోనే నే నే నే ........... అన్నమాట.
చేయి అడ్డు పెట్టి.. ఆటో ఆపే ప్రయత్నం చేస్తోంది..

నేను వెంటనే, ఆపు ఆపు ఆటో వెనకాల ఖాళీఏగా ..వెనకాల ఎక్కిన్చుకుంటే బాగుంటుంది అన్నాను. నాకు బాగుంటుందని దాని అర్థం!

ఆటో ఆగింది.. ఆమె ఎక్కింది..

ఏంటి ఈరోజు ఆలస్యం? అడిగిందా అమ్మాయి..
ఉంటారుగా పనికి మాలిన వాళ్ళు.. ఎక్కుతారు.. ఎక్కడ పడితే అక్కడ ఆపుతారు..నీసంగతేంటి ఒకటికి పది సార్లు ఫోన్ చేయక పోతే నిమిషం వెయిట్ చేయొచ్చుగా.. అన్నాడా ఆటో వాడు..

నేను : ? ! ... , ,,,@ %

ఆమె : ఒకడున్నాడు..మా పక్క వీధిలోనే ఉంటాడు..తెగ ట్రై చేస్తున్నాడు.. చూస్తాడు చూడూ కళ్ళు ఇంతింత చేస్కునీ.. అబ్బ.. ఇందాకటిదాక అక్కడే ఉన్నాడు.. వాడ్ని తట్టుకోలేకే నీకు ఫోన్ చేసాను.. పని పాడూ ఉండదు అమ్మాయిలు కనపడతే చాలు.. కనీసం ఆటో అయిన తోలాలన్న ఆలోచన లేదు వాడికి.. (ఆఖరిది సరసమన్న మాట..)

"ఒక్కసారి నాకు నేను రేర్ వ్యూ మిర్రర్ లో కనపడ్డాను.. .."

అబ్బాయిలన్నాక అలాగే ఉంటారులే.ఇంకేంటి..? అన్నాడు ఆటో వాడు..

"ఎంత జాలి హృదయం వాడిది.."

ఏముంది కాలేజీ లేదు ఏమీ లేదు.. IMAX లో టికెట్ బుక్ చేశా.. పద పోదాం..అందామె..

నాకు తెలిసిన తెలుగు హర్రర్ సినిమాలు, డైలీ సీరియళ్ళు.. అన్నీ రీళ్ళు వేసాకా ఇక అర్ధం అయిపొయింది..

అసలు "పవన్ కళ్యాణ్" నేను కాదు .. ఆటో అతను.. యురేకా ..! సృష్టిలోనే అతి పెద్ద రహస్యం కనుక్కున్నా..

మరి నేనేంటి..?? ! ... , ,,,@ %

అప్పటి దాక గమనించలేదు కాని.. డ్రైవరుకి అవతల పక్క కూర్చున్న మరో మహేష్ బాబు ..కూడా నేను కనుగొన్న రహస్యాన్నే కనుగొన్నాడులా.. ఉంది.. తట్టుకోలేక ఏడుస్తూ ఆటో దిగేసాడు..మరీ అంత సెన్సిటివ్ అయితే ఎలాగా..?

మీరూ దిగిపోతారా..? అడిగాడు ఆటో అతను..

లేదు నేను మెహిదిపట్నంలోనే దిగుతా.. అన్నా కచ్చితంగా..

సరే ఆటో ముందుకు నడుస్తోంది..

ఎన్నింటికి షో? అడిగాడు..
మధ్యాన్నం టు క్లాక్ షో చెప్పిందామె..

"నాకు పని వుంది.. నువ్వీరోజుకి కాలేజికి వెళ్ళు.. రేపు చూస్కుందాం.."
"లేదు నువ్వు రావాలంతే "
"చెప్పానుగా కొంచెం పని ఉందని.."
"నువ్వు రాకపోతే.. ఈయన్ని తీస్కుపోతా..అంటూ నావైపు చూపించింది.."

నాకప్పుడు అదేదో సినిమాలో చెప్పినట్టు మొహమాటంతో కూడిన సిగ్గువల్ల వచ్చిన గర్వం అంటే తెలిసి వచ్చింది..

"చెప్తే వినొచ్చుగా..."
"నువ్వే విను సినిమా అంటే సినిమా అంతే.."
"లేదు అర్ధం చేస్కో.."
"ఆలోచించు.. లేదంటే ఈయన రెడీ లా ఉన్నాడు..పట్టుకెళ్లిపోతా.. అని నావైపు తిరిగింది.."

మళ్ళీ నేను మొహమాటంతో కూడిన సిగ్గు.....................................................

కాని ఆటో అతను చిరాకుతో కూడిన విసుగు వల్ల వచ్చిన..............

"సరే.. సరే ...నువ్వేమంటే అదే.. మరప్పటిదాక ఏంచేద్దాం..?"

"చూద్దాంలే పద...వీలైతే ఈలోపు ఇంకో సినిమాకి వెళ్దాం.."

ఇంతలో మెహిదీపట్నం వచ్చేసింది.. నేను దిగిపోయాను..

వెళ్తూ వెళ్తూ అతనడిగాడు నన్ను.... ఏమ్మంచి సినేమాలున్నై?

నేను చెప్పాను.. " హేట్ లవ్ స్టోరీస్ "


సినిమా చూసినా ..! లోక్లాస్ హీరో . హై క్లాస్ హీరోయిన్ .. లేకపోతే.. హై క్లాస్ హీరో లోక్లాస్ హీరోయిన్...
ప్రేమించుకుంటారు.. సినిమా సూపర్ హిట్ .. వంద రోజులు నూట పాతిక సెంటర్లు.. పోనీ మిడిల్ క్లాస్ హీరోయిన్లు ప్రేమిస్తారా అంటే.. ప్రేమించరు* షరతులు వర్తించును..(*హై క్లాసు హీరో దొరికితే తప్ప..).. ప్రేమించినా పైకి చెప్పరు.. మరి మిడిల్ క్లాసు హీరో పరిస్థితి గురించి.. ఎవరూ పట్టించుకుంటారు.. సినిమాల్లోనూ ఛాన్స్ లేక.. నిజంగాను అవకాసం దొరక్క.. నాలాటి యువకులు.. యువకులని మర్చిపోయే పరిస్థితి వచ్చింది..

అందుకే . హేట్ లవ్ స్టోరీస్....

ఎదవది ఎవడో అరుస్తున్నాడు... ఎరెంజేడ్ మారేజేస్ ఉన్నైగా..అని..
"సచ్చినాడా.. నీ జిమ్మడిపోనూ.." (ఇప్పుడు నేను గుడుంబా శంకర్.. పవన్ కళ్యాణ్..)


.

12 comments:

హరే కృష్ణ said...

సూపర్ గా రాసారండీ :)
నేను కూడా మొన్న ఆదివారం ఈ సినిమా కి బలయ్యాను

శివ చెరువు said...

థాంక్స్ హరే కృష్ణ గారు.. నేనూ ఐ హేట్ లవ్ స్టోరీస్ చూసా.. వెరైటీ అంటూ. అదే పాత సోది చూపించి చంపాడు.. ;)

nagarjuna said...

బాగా రాసారు శివగారు
>>ఆటోవాడికి ఎక్కేవాడు లోకువ << హి హి హి
:) :)

శివ చెరువు said...

థాంక్స్ నాగార్జున గారు..అంతే కదండి.. ఎక్కేవరకు రండి సార్ అంటాడు.. ఎక్కాక వ్యవహారం మరోలా ఉంటుంది.. మరి.. ;)

Sai Praveen said...

శివ గారు మీరు కామెడి కూడా చించేయగలరని ఇప్పుడే తెలిసింది :)

Anonymous said...

siva garu chala baga rasav ra..

శివ చెరువు said...

థాంక్స్ సాయి ప్రవీణ్ గారు.. ఇది సెకండ్ అటెంప్ట్ అండి.. ఇంతకు ముందెప్పుడో ఒకటి ఇటువంటిదే పోస్టు రాసాను..

ఎనానిమస్ గారు.. మీకు కూడా ధన్యవాదాండి.. ;)

పరిమళం said...

:) :)

Anonymous said...

Bagundi .... Superu...

Tip 2 U :

Anni unna aku epudu anigi manigi untundi alagey manchi amayilu epudu simple ga untaru vala pani valu chuskuntaru antey.....cut chestey colors ki makeups ki attract ayamo mana ki right rightttttt... Thanks

Tipper Lorry gadu :) lov u sala :P

Rishi said...

First time in our blog..Funny narration.Keep it up :)

Rishi said...

Correction for above comment....First time in YOUR blog

>>
ఎంత బాగా పాడాడో..!
పొద్దున్నే తాగే కాఫీ కప్పులో గుప్పెడు ఉప్పేసినట్టు..
:)

చెవులు మూసుకోవాలో.. ముక్కు సుకోవాలో..అనే ఆలోచనలో పడ్డా

idi soopar

hareeyam said...

super tammudu... adara gottav...