Wednesday, January 6, 2010

హైదరాబాదులో పచ్చి బూతులు

రండి బాబూ రండి ... మంచి తరుణం మించిన దొరకదు. రండి బాబూ రండి.. పచ్చి బూతులు.. ఫ్రెష్ గా వినే అవకాసం.. మంచి సినిమా చూస్తున్నప్పుడు కరంటు పోతేనో.. ఎండాకాలంలో కుళాయి దగ్గర నీళ్ళు కేవలం ఓ అయిదు నిమిషాలు మాత్రమే వచ్చినపుడో.. కష్టపడి చదివినప్పుడు పరీక్ష పత్రాలు లీక్ అయినప్పుడో మాత్రం వినిపించే మధుర భాషా ప్రయోగాలు ఇప్పుడు ఏ సిటి బస్సు ఎక్కినా వినొచ్చు.. హైదరాబాదులో ఈ సువర్నావకాసం కేవలం 5 రూపాయలకే...

టియ్.. టియ్.. ఆ ఇప్పుడు 2 రూపాయల RTC ఆర్డినరి బస్సు టికెట్టు ధర, అధిక పెంపుతో కేవలం 5 రూపాయలు మాత్రమే !

గత నెలా నెలన్నర రోజులుగా రాష్ట్రంలో నెలకొన్న బందుల మూలంగా RTC కి ఏర్పడ్డ నష్టం అయితే నేమి.. తగల బడ్డ బస్సుల నష్టం పూడ్చే నిమిత్తమైతే నేమి.. RTC ఉద్యోగుల జీతాలు పెంచడం మూలాన అయితే నేమి... రాష్ట్ర వ్యాప్తంగా నేటినించీ ప్రయాణీకుల టికెట్టు ధరలు పెంచబడ్డాయి. పెంచిన ధరలు బయట ఊర్లకు అయితే ఓ మోస్తరు పరవాలేదు. ఎందుకంటే మరీ రోజూ బయట ఊర్లకు ప్రయాణం చేసే పరిస్థితి ఉండదు గనుక. కానీ సిటి లో బస్సు లేనిదే రోజు గడవడం చాలా కష్టమయిన విషయం. అది నిత్యవసరం. అలాంటి సిటి బస్సు రేట్లు కూడా అమాంతంగా పెంచేస్తే ఎలా? ఓహో .. 15రూపాయల బియ్యం 32 అవ్వగాలేనిది .. ఈ మాత్రం పెంచితే తప్పేమనుకుని ఉంటారు కామోలు.. ఉజ్జాయింపుగా నా జీతం రోజుకు 100 రూపాయలనుకుందాం. అంటే రమా రామీ నేను పెట్టే ప్రయాణపు కర్చు కనీసం రోజుకు 14 రూపాయలుంటుంది (14%). ఇది ఎంత వరకూ సమంజసం? ఇది కేవలం హైదరాబాదులోనే కాదు రాష్ట్రంలో అన్ని ముఖ్య నగరాలలో అమలు అవుతుందేమో నాకు తెలీదు. అమలు అయ్యే అవకాసం మాత్రం లేక పోలేదు.

నష్ట పోయింది ఎవరూ..?
RTC పని చెయ్యని రోజున కూడా ఎక్కువ చార్జీల తో ఆటోల్లో (share) ప్రయానించవలసి వచ్చింది.
కుటుంబ సభ్యులూ .. స్నేహితులూ.. క్షేమంగా ఇళ్ళకు చేరారో లేదో చేరతారో లేదో నన్న ఆందోళన పడవలసి వచ్చింది (bloody insecurity). ఇందుమూలంగా తడిసి మోపెడైన టెలిఫోన్ బిల్లు!(financial loss). ఏరా రేపెమైనా బందులు గట్రా ఉన్నాయా? తెలీదురా రాత్రి ఇంటికెళ్ళి tv చూడాలి . ఏరా ఊరెల్తానన్నావు రేపే నా? అవున్రా కాకుంటే బస్సులు తిరిగితే వెళ్తాను (uncertainity).


పర్యవసానాలు ...
ఆటో వాళ్ళు తమ తమ ప్రతాపం చూపించొచ్చు
ప్రైవేటు వాహనాలు తమ చార్జీలు మరింత అధికం చేస్తారు.
పెద్దగా పెరగని బెత్తెడు జీతాల్లో (ఆర్ధిక మాంద్యం దెబ్బ కొట్టిందిగా దాని ప్రభావమన్నమాట).
only advantage* - మరింత జాగ్రత్తగా పొదుపుగా బతకడం ఎలాగా .. అన్నది నేర్చుకోవచ్చు.

*conditions apply ఈ సౌభాగ్యం, సదవకాశం ఆర్ధికం గా వెనకబడినవారికీ మరియు మధ్య తరగతి వారికి మాత్రమే

విజ్ఞప్తి..
దయచేసి ఇకమీదట ఎప్పుడు నిరసనలు తెలియ జేయాల్సి వచ్చినా బస్సులు తగల బెట్టే దుస్సంప్రదాయాన్ని మాత్రం విడనాడండి. public property కి జరిగే నష్టం మనకి మనం చేసుకునే నష్టంగా గుర్తించండి (తగల బెట్టిన వారికి మాత్రమే ). అధికారులు కూడా మీరు ప్రజలలో భాగమే కనుక ఒక సారి మీ నిర్ణయాలను పునః సమీక్ష చేయగలరు. కష్టమనుకుంటే తక్కువధరకు ఏ నగరపు చివరనైనా బాడుగకు ఇల్లు అద్దెకు తీస్కోండి .. అక్కడినుండీ మీ.. మీ.. కార్యాలయాలకు వెళ్లి రండి. సత్వరమైన గుణం కనపడుతుంది.

ఇప్పుడే తెలిసింది .. పెంచిన ధరలు స్వల్పం (అతి ) గా తగ్గించారట..

Note:- ours is a democratic country for the people, by the people of the people..

7 comments:

Anonymous said...

ee sangathi thelusaa rtc rates penchina vishayam mana CM gaariki theleedanta.. naakaithe navvocchindi...

Anonymous said...

entra kavi ga kavitalu manesi samajam meda padavu paipula company lo typulu badukoka enduku annaya manaki evanni??? :) -Bujjigadu the Tipper lorry

చైతన్య said...

:-)

Nayani Aditya Madhav said...

Hi Siva garu,

Your Outburst on the issue has been well reflected in the post.
But i was a bit confused with the title and the content, i hope u meant that people are scolding the RTC authorities for the high hike in the rates.
U may have put it in an alternative furnished way, anyway its ok, i just have a small suggestion regarding ur blog,
Just try to keep labels for your posts so that we can check with your old works easily on labels gadget.
Hope you d'nt think in other way, expecting more n more entertainment from you

Your's Fan :)

Anonymous said...

ఈ ముక్క బంద్ ప్రకటించిన రోజు చెప్పాలి .. ;)

నిజం చెప్పాలి అంటే బాగా రాసారు .. కాస్త కామెడీ ట్రాక్ కాస్త నీతి సూత్రాలు కలగలిపి బహు బాగా రాసారు .. శెభాష్ శివగారు !

Sahiti said...

meeeru rasina vidanam chala bagundi..........:)


m ur fan........

manosri-waves said...

baga rasarandi kallu chammagillai kooda badhato.